Golaheaddjirávven

Váldde oktavuođa bagadalliin, jos it muđui sáhte čoavdit váttisvuođa

Bagadallis fidnet nuvttá rávvagiid ja riidoáššiin soabadallanveahki. Sáhtát doallat oktavuođa bagadalliin telefon bokte dahje elektrovnnalaččat dahje deaivvadit suinna rávvehaga doaibmabáikkiin. 

Golaheaddjirávven sámegillii gaskavahkuid diibmu 9–11 tel. 0407461925 (spiehkkasemiid birra lea dieđáhus vástideaddjis). Eará áiggiid áššehas sáhttá guođđit riŋgenbivdaga vástideaddjii.

Sámegielat bagadallama fállá Oula Valkeapää Lappi magistráhta Gihttela ovttádagas, čujuhus Valtatie 60, 99100 Gihttel. Šleađgapoastačujuhusa hápmi lea ovdanamma.sohkanamma (almma ä-čuoggáid haga) @maistraatti.fi. 

Áššehastima álkidahttima dihte:

  • ráđđadala vuos vuovdiin vai sáhtát muitalit bagadallii áššečielggadeami dáfus dárbbaslaš dieđuid
  • váldde áššái gullevaš áššebáhpáriid oidnosii ovdalgo ringet bagadallii.

Suomagielat golaheaddjirávven doaibmá 11 magistráhta sierra guovlluin Suomas ja áššehaččaid bálvalus lea čohkkejuvvon árgabeivviide dmu 9.0015.00 telefonnummirii 029 553 6901. Ruoŧagielat telefonrávvema fidne nummiris 029 553 6902.

Golaheaddjirávvema bargun lea

  • veahkehit ja soabadallat golaheaddji ja fidnodaga gaskii šaddan riidoáššis, 
  • juohkit golaheaddjii ja fidnodagaide dieđuid golaheaddji vuoigatvuođain ja geatnegasvuođain, earret eará feailla buhtadusas, soahpamušain ja máksimis
  • visteáššit: bagadallat viste- ja giddodatgávppi čuolmmain 

Rávvehagas eai gieđahallo

  • ovttaskas olbmuid gaskasaš riidoáššit, omd. biilagávppit
  • ealáhushárjeheaddjiid gaskasaš riidoáššit 
  • viessofidnodaga ja ássi gaskasaš riiddut
  • árvobáver- ja oasosgávppit 
  • stáhta ja gielddaid bálvalusaide guoskevaš bálvalusat

Päivitetty 5.9.2014 Tulosta